Hairst, is at ye?
Is it ye A hear
reeshlin throu the leafs?
Is is ye A snoke
risin i the douce reek o
late simmer ingles an bleizes?
Dae A see ye, Hairst,
aff i the distance,
comin owre the braes?
Is it ye A feel souchin i
ma auld lugs, touslin ma
dwinin hair wi cauldrif fingers?
Hairst, is at ye A pree,
crisper nor a soor green aipple,
garrin me rax fur ma jaiket?
Subscribe to:
Post Comments (Atom)
Posts
No comments:
Post a Comment