Faain

tae gang til heiven,
juist tae hae tae faa
doun til the yird again,

it's ane o ma sairest pynes.

brither, A'd lou tae come
an see ye, bit A'm feart
fur the faa

aathing's braw i that stound,
naething's wantin whan A'm wi ye

an syne hit's by ower suin
an A'm faain, fast, winnin awa
frae the lift (cried 'florida'),
quhaur ye bide

(ye ghaistie at haunts me aye)

tae A win til the yird like a
stane, an at's the wye A feel,

juist like a stane,
deid an caul an alane
again