Weet Thuirsday

The day's a draich, weet Thuirsday. The morra'll see the Ware comin ben. Bit the day, the lift's mirk an the cloods is hingin thrang abuin. A ken the sin's heich abuin een thaim, bit it isna giein hus hit's fu meisur the noo.

The grun is saft an fowk's maistly inbye. Outbye's no owre walcomin, ye ken! A bonnie day'll aye hae fowk oot an aboot an gey an blythe an aa, bit thir's no sic a day.

Och, A wiss A yit haen ma auld windae, for tae hae the braw vizzy A aince haed. Hit luiked oot on a bit wuid, wi a wee strin. The noo, ma windae luiks maistly on ugsome thingies, an it gies me nae muckle pleisur.

Bit A dinnae finn the weet sae ugsome an aa. The'r sumhin richt canty aboot hit. An the flours it caas furth, A'll aye caa thaim walcome.